കോഴിക്കോട്: ഉള്ളിയേരിയിൽ ബൈക്കപകടത്തില് യുവാവ് മരിച്ചു. ഉള്ള്യേരി 19 ലെഅയ്യപ്പന് കണ്ടി ആദര്ശ് ആണ് മരിച്ചത്. 25 വയസ്സായിരുന്നു.
ബസ് ഡ്രൈവറാണ്. ഞായറാഴ്ച രാത്രി 10 മണിയോടെ ഉള്ളിയേരി പൊയില് താഴത്തായിരുന്നു അപകടം.
വീട്ടിലേക്ക് പോകുന്നതിനിടെ ഗുഡ്സ് ഓട്ടോ ഇടിക്കുകയായിരുന്നു. ഉടനെ മൊടക്കല്ലൂര് മലബാർ മെഡിക്കല് കോളജ് ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല. അരവിന്ദന് – അനിത ദമ്പതികളുടെ മകനാണ്.
