കല്പറ്റ: വനിതകള്‍ക്ക് മയ്യത്ത് പരിപാലനത്തില്‍ പ്രത്യേക പരിശീലനം നല്‍കുന്നു. കല്പറ്റ സി എച്ച് റെസ്ക്യു ടീമാണ് പരിശീലന പരിപാടി സംഘടിപ്പിച്ചിട്ടുള്ളത്. മയ്യത്ത് കുളിപ്പിക്കൽ, കഫം ചെയ്യൽ, പ്രാർത്ഥന തുടങ്ങിയ അന്ത്യ കർമ്മങ്ങൾ ചെയ്യുന്നതിന് വനിതകളെ പ്രാപ്തരാക്കുക എന്ന ലക്ഷ്യത്തോടെയാണ് പരിശീലനം നല്‍കുന്നത്. 2024 നവംബർ 03ന് ഞായറാഴ്ച ഉച്ചക്ക് 2:30ന് കൽപ്പറ്റ അമ്പിലേരി ജുമാ മസ്ജിദിനോട് ചേർന്നുള്ള മദ്രസ ഹാളിലാണ് പരിശീലനം.
മാതാപിതാക്കളുടെ മയ്യത്ത് പരിപാലിക്കുന്നതിന് നേതൃത്വം നൽകേണ്ടത് മക്കളുടെ കടമയും ബാധ്യതയാണ്. അറിവില്ലായ്മ കാരണം പലരും ഇതിന് വിമുഖത കാണിക്കാറുണ്ട്. അന്യം നിൽക്കുന്ന അറിവുകളെ പ്രത്യേക പരിശീലനത്തിലൂടെ പുതുതലമുറയിലേക്ക് പകര്‍ന്നു നല്‍കുകയാണ് പരിപാടിയുടെ ഉദ്ദേശം.
വനിതകളുടെ നേതൃത്വത്തിൽ വനിതകൾക്കായി നടത്തുന്ന പരിശീലനത്തിൽ എല്ലാ വനിതകളും പങ്കാളിയാവണമെന്നും കൂടുതല്‍ വിവരങ്ങള്‍ക്ക് 91 9745696494, +91 96331 72172 നമ്പറുകളില്‍ ബന്ധപ്പെടാമെന്നും സി എച്ച് റെസ്ക്യൂ ടീം പ്രസിഡന്‍റും സെക്രട്ടറിയും അഭ്യര്‍ത്ഥിച്ചു.
