കൊല്ലം: പാരിപ്പള്ളി യു കെ എഫ് എന്‍ജിനീയറിങ് ആന്‍ഡ് ടെക്നോളജിയിലെ എന്‍എസ്എസ് യൂണിറ്റിന്‍റെ നേതൃത്വത്തില്‍ രാഷ്ട്രപിതാവ് മഹാത്മാഗാന്ധിയുടെ ശില്‍പ്പം നിര്‍മ്മിച്ച് അനാച്ഛാദനം നടത്തി സ്കൂളിന് സമര്‍പ്പിച്ചു. ഭൂതക്കുളം ഗവണ്‍മെന്‍റ് ഹയര്‍ സെക്കന്‍ഡറി സ്കൂളില്‍ നടന്ന ചടങ്ങിന്‍റെ ഉദ്ഘാടനം ഉദ്ഘാടനവും പ്രതിമ അനാച്ഛാദനവും കൊല്ലം ജില്ലാ പഞ്ചായത്ത് മെമ്പര്‍ ആശാ ദേവി നിര്‍വഹിച്ചു. യുകെഎഫ് കോളേജ് എക്സിക്യൂട്ടീവ് ഡയറക്ടര്‍ പ്രൊഫ. ജിബി വര്‍ഗീസ് അധ്യക്ഷത വഹിച്ചു.
യു കെ എഎഫ് കോളേജ് എന്‍എസ്എസ് യൂണിറ്റ് സപ്തദിന സഹവാസ ക്യാമ്പിന്‍റെ ഭാഗമായി യു കെ എഫ് സെന്‍റര്‍ ഫോര്‍ ആര്‍ട്ട് ആന്‍ഡ് ഡിസൈന്‍ നേതൃത്വത്തിലാണ് ഗാന്ധിജിയുടെ പ്രതിമ നിര്‍മിച്ചത്. കൂടാതെ ഭൂതക്കുളം ഗവണ്‍മെന്‍റ് ഹയര്‍ സെക്കന്‍ഡറി സ്കൂള്‍ നവീകരണ പ്രവര്‍ത്തനത്തിലും സ്കൂള്‍ പൂന്തോട്ട നിര്‍മ്മാണത്തിലും വിദ്യാര്‍ഥികള്‍ പങ്കാളികളായി.
സ്കൂള്‍ പ്രിന്‍സിപ്പാള്‍ ജോണ്‍ ക്രിസ്റ്റഫര്‍, കോളേജ് പ്രിന്‍സിപ്പാള്‍ ഡോ. ജയരാജു മാധവന്‍, വൈസ് പ്രിന്‍സിപ്പാള്‍ ഡോ. വി. എന്‍. അനീഷ്, എന്‍എസ്എസ് പ്രോഗ്രാം ഓഫീസര്‍മാരായ അഖില്‍ ജെ ബാബു, ആര്‍. രാഹുല്‍, എന്‍എസ്എസ് വോളണ്ടിയര്‍മാരായ ഏബല്‍, ഐശ്വര്യ, സരിക, ഇര്‍ഷാദ് എന്നിവര്‍ സംസാരിച്ചു.
