പാലാ: പാലാ സ്‌പോര്‍ട്‌സ് അക്കാദമി, ജി വി രാജാ ഫുട്‌ബോള്‍ അക്കാദമി എന്നിവയുടെ ആഭിമുഖ്യത്തില്‍ ഏപ്രില്‍ 10 മുതല്‍ ചെറിയാന്‍ ജെ കാപ്പന്‍ സ്മാരക മുനിസിപ്പല്‍ സ്‌റ്റേഡിയത്തില്‍ ഫുട്‌ബോള്‍ കോച്ചിംഗ് ക്യാമ്പ് സംഘടിപ്പിക്കുന്നു. 6 മുതല്‍ 17 വയസ് വരെ പ്രായമുള്ള ആണ്‍കുട്ടികള്‍ക്കും പെണ്‍കുട്ടികള്‍ക്കുമാണ് ക്യാമ്പില്‍ പ്രവേശനം ലഭിക്കും. ഇവിടെ പരിശീലനം ലഭിച്ച 14 പേര്‍ക്ക് സംസ്ഥാന ജില്ലാ ചാമ്പ്യന്‍ഷിപ്പിലേയ്ക്ക് സെലക്ഷന്‍ ലഭിച്ചിരുന്നു.
ഫുട്‌ബോള്‍ ഫെഡറേഷന്റെ അക്രഡിറ്റേഷന്‍ ലഭിച്ച കോച്ചുമാരാണ് പരിശീലനം നല്‍കുന്നത്. പോര്‍ച്ചുഗലില്‍ നിന്നുള്ള ജാവോ പെഡ്രോ എന്ന കോച്ചും മുന്‍കാലങ്ങളില്‍ പാലായില്‍ എത്തി പരിശീലനം നല്‍കിയിരുന്നു. താത്പര്യമുള്ളവര്‍ 9946801391, 94479499001 എന്നീ നമ്പരുകളില്‍ ബന്ധപ്പെടണമെന്ന് സംഘാടകര്‍ അറിയിച്ചു.
