പെരുമണ്ണ: കേരള എഡ്യൂക്കേഷന്‍ കൗണ്‍സില്‍ മോണ്ടിസോറി ടീച്ചര്‍ പരിശീലകരുടെ സേവനദിനം പെരുമണ്ണ ഗ്രാമ പഞ്ചായത്തിന്റെ ബഡ്‌സ് സ്‌കൂളില്‍ ആരംഭിച്ചു. പഞ്ചായത്ത് പ്രസിഡന്റ് ഷാജി പുത്തലത്ത് ഉദ്ഘാടനം ചെയ്തു. കെ ഇ സി രക്ഷാധികാരി എം എ ജോണ്‍സണ്‍ അധ്യക്ഷനായി.
പഞ്ചായത്ത് ക്ഷേമകാര്യ സ്ഥിരം സമിതി അധ്യക്ഷ ദീപ കാമ്പുറത്ത്, ബഡ്‌സ് സ്‌കൂള്‍ ടീച്ചര്‍ ഹസീന മായനാട്, കെ ഇ സി മാവൂര്‍ റോഡ് സെന്റര്‍ പ്രിന്‍സിപ്പല്‍ കെ രേഷ്മ എന്നിവര്‍ ആശംസ നേര്‍ന്നു. കേരള എഡ്യൂക്കേഷന്‍ കൗണ്‍സില്‍ ഡയറക്ടര്‍ സതീശന്‍ കൊല്ലറക്കല്‍ സ്വാഗതവും അധ്യാപിക വിദ്യാര്‍ത്ഥിനി ടി ശാരിക നന്ദിയും പറഞ്ഞു. ബഡ്‌സ് സ്‌കൂളില 44 ഭിന്നശേഷി കുട്ടികള്‍ക്കൊപ്പം 36 ടീച്ചര്‍ ട്രയിനീസും സേവനദിനത്തില്‍ പങ്കെടുക്കുന്നു.
