ന്യൂദല്‍ഹി: കൊവിഷീല്‍ഡ് വാക്സിന് ഗുരുതര പാര്‍ശ്വഫലമുള്ളതായി കമ്പനി അറിയിപ്പ് വന്നതിന് പിന്നാലെ വാക്സിന് സര്‍ട്ടിഫിക്കറ്റില്‍ നിന്നും പ്രധാനമന്ത്രി നരേന്ദ്ര മോദിയുടെ ചിത്രം മാറ്റി. കൊവിഡ് വാക്സീന് ഗുരുതര പാര്‍ശ്വഫലമുള്ളതായി വാക്സിന് കമ്പനി അറിയിച്ച സാഹചര്യത്തിലാണ് വാക്സീന് സര്‍ട്ടിഫിക്കറ്റില്‍ നിന്നും മോദിയുടെ ചിത്രം നീക്കാനുള്ള തീരുമാനമെന്നാണ് വിലയിരുത്തല്‍.
കുറച്ചുകാലമായി കോവിഡ് വാക്‌സിനു പാര്‍ശ്വഫലങ്ങള്‍ ഉള്ളതായി വ്യാപക പ്രചരണം ഉണ്ടായിരുന്നു. എന്നാല്‍ ഗുരുതരമായ പാര്‍ശ്വഫല്‍ ഉണ്ട് എന്ന റിപോര്‍ട്ടുകള്‍ ആദ്യമായി കമ്പനി തന്നെ ഇപ്പോള്‍ പുറത്ത് വിടുകയാണ്. ഇന്ത്യയില്‍ കൊവിഷീല്‍ഡ് എന്ന പേരില്‍ അവതരിപ്പിച്ച കൊവിഡ് വാക്സീന് ഗുരുതര പാര്‍ശ്വഫലമുള്ളതായി വാക്സിന് കമ്പനി ആസ്ട്രസെനെക ഔദ്യോഗികമായി സമ്മതിച്ചു എന്ന വാര്‍ത്തകള്‍ വന്നു. ഇത് അതീവ ഗൗരവമാണ്. കോടി കണക്കിനു ആളുകളാണ് ഈ കോവിഡ് വാക്സിന് സ്വീകരിച്ചത്. വിദേശ രാജ്യത്തേക്കും ഇത് കയറ്റി അയച്ചിരുന്നു. വാര്‍ത്ത പുറത്തുവന്നതോടെ വാക്‌സിനെടുത്തവര്‍ ആശങ്കയിലാണ്.
അതിനിടെ കൊവിഷീല്‍ഡ് വാക്സീന് സ്വീകരിച്ച ശേഷം ഹൃദയാഘാതം വന്ന് മരിച്ചവരുടെ കുടുംബങ്ങള്‍ക്ക് കേന്ദ്രസര്‍ക്കാര്‍ നഷ്ടപരിഹാരം നല്‍കണമെന്ന് വന്‍ ആവശ്യം ഉയരുന്നുണ്ട്. കൊവിഷീല്‍ഡ് വാക്സീന് സ്വീകരിച്ചവര്‍ ധാരാളമായി കുഴഞ്ഞ് വീണ് മരിക്കുന്നത് ദാരുണവും ദയനീയവുമായ സംഭവം ആണ് എന്നും ചൂണ്ടിക്കാട്ടുന്നു. അതീവ ഗുരുതരമായ മെഡിക്കല്‍ നെഗ്‌ളിജന്‍സ് ഉണ്ടായി എന്നും കോടി കണക്കിനു ജനങ്ങളുടെ ഹൃദയാരോഗ്യത്തേ സാരമായി ബാധിച്ചു എന്നുമാണ് വിമര്‍ശനം ഉയരുന്നത്.
കുഴഞ്ഞ് വീണ് മരണങ്ങള്‍ വ്യാപകമായത് കോവിഡ് വാക്സിന് സ്വീകരിച്ച ശേഷമാണെന്ന അഭിപ്രായം ശക്തമാണ്. ചെറുപ്പാക്കാരാണ് ഇത്തരത്തില്‍ കൂടുതലായും മരിക്കുന്നത്.
