തിരുവനന്തപുരം: കേരള ക്രിക്കറ്റ് അസോസിയേഷൻ സംഘടിപ്പിക്കുന്ന കേരള ക്രിക്കറ്റ് ലീഗിന് (കെസിഎൽ) ഒരുങ്ങി ഏരീസ് കൊല്ലം സെയ്ലേഴ്സ്. തിരുവനന്തപുരം പ്രസ് ക്ലബ്ബിൽ നടന്ന ചടങ്ങിൽ ടീം ലോഗോ പ്രകാശനം ചെയ്തു. ഹോളിവുഡ് സംവിധായകനും നിർമ്മാതാവും ഏരീസ് ഗ്രൂപ്പ് ചെയർമാനുമായ സർ. സോഹൻ റോയ് ആണ് ടീം ഉടമ.
ടീം ബ്രാൻഡ് അംബാസിഡറായി മുൻ ഇന്ത്യൻ താരം എസ് ശ്രീശാന്ത്, ഐക്കൺ പ്ലയറായി മുൻ കേരള രഞ്ജി ടീം ക്യാപ്റ്റനും ഐപിഎൽ താരവുമായ സച്ചിൻ ബേബി എന്നിവരെ പ്രഖ്യാപിച്ചു.
ടീമിന്റെ ഔദ്യോഗിക പതാകയും, ടാഗ് ലൈനും പുറത്തിറക്കി. ‘എടാ മോനെ, കൊല്ലം പൊളിയല്ലേ…’ എന്നതാണ് ടീമിന്റെ ടാഗ് ലൈൻ. ഏരീസ് ഗ്രൂപ്പിന്റെ മാനേജിങ് ഡയറക്ടർ ഡോ.എൻ.പ്രഭിരാജാണ് ടീമിന്റെ സിഇഒ . അദ്ദേഹമാണ് ടീമിനെ മുന്നിൽ നിന്നും നയിക്കുന്നത്. സപ്പോർട്ടിംഗ് താരങ്ങൾ ഫിസിയോ ആഷിലി ടോമി,വീഡിയോ അനലിസ്റ്റ് കോച്ച് – നിജിലേഷ്. ആരോൺ, ബോളിങ് കോച്ച് – മോനിഷ്, ബാറ്റിംഗ് കോച്ച് -നിജിലേഷ്, ട്രെയ്നെർ -കിരൺ.
മറൈൻ മേഖലയിലെ പ്രമുഖ വ്യവസായ ഗ്രൂപ്പായ ഏരീസ്, കപ്പൽ ആങ്കറിനെയും ക്രിക്കറ്റിനെയും കൂട്ടിക്കലർത്തിയ ലോഗോയാണ് പുറത്തിറക്കിയത്. നാളെ തിരുവനന്തപുരം ഗ്രാൻഡ് ഹയാത്തിൽ നടക്കുന്ന ലേലത്തിൽ മികച്ച താരങ്ങളെ ടീമിലെത്തിക്കാൻ സാധിക്കുമെന്ന് ഡോ. എൻ. പ്രഭിരാജ് പറഞ്ഞു .
കേരളത്തിലെ യുവാക്കൾക്കിടയിൽ ക്രിക്കറ്റിന്റെ പ്രാധാന്യം വർദ്ധിച്ചു വരുന്ന സാഹചര്യത്തിൽ അവരുടെ സ്വപ്നങ്ങൾക്ക് കരുത്തേകാൻ ടീമിന് സാധിക്കുമെന്നും പ്രഭിരാജ് കുട്ടിച്ചേർത്തു ഇതിലൂടെ ഐപിഎൽ എന്ന സ്വപ്നത്തിലേക്കും എത്തിച്ചേരാനാകും. കുട്ടിക്കാലം മുതൽ ക്രിക്കറ്റിനോടുള്ള അതിയായ ഇഷ്ടമാണ് കേരള ക്രിക്കറ്റ് ലീഗിൽ കൊല്ലം ടീമിനെ സ്വന്തമാക്കാനുള്ള പ്രധാന കാരണമെന്ന് അദ്ദേഹം പറഞ്ഞു.
ഭാഗമാകാൻ വയനാട് ഉരുൾപൊട്ടലിന്റെ സാഹചര്യത്തിൽ കെസി എല്ലിൽ നിന്നു ലാഭം ലഭിക്കുകയാണെങ്കിൽ അനാഥരായ അവിടുത്തെ കുട്ടികളുടെ പഠനം, കരിയർ ഡിസൈൻ, തുടങ്ങി ജോലി ലഭിക്കുന്നതുവരെയുള്ള മുഴുവൻ ചിലവുകളും, മാതാപിതാക്കളിൽ ഒരാൾ നഷ്ടമായ പത്തു കുട്ടികളുടെ പഠന ചിലവും ഏറ്റെടുക്കുന്നതിലേക്ക് വകയിരുത്തുമെന്ന് സർ. സോഹൻ റോയ് പറഞ്ഞു.
കെസിഎല്ലിന്റെ സാധിച്ചതിൽ അതിയായ സന്തോഷമുണ്ട്. കേരളത്തിൽ വളർന്നു വരുന്ന ക്രിക്കറ്റ് താരങ്ങൾക്ക് മികച്ച അവസരമാണ് കൊല്ലം ടീമിലൂടെ ക്ഷാത്കരിക്കുന്നതെന്നും, എല്ലാവിധ സഹായങ്ങളും ഏരീസ് ഗ്രൂപ്പിന്റെ ഭാഗത്ത് നിന്ന് ഉണ്ടാകുമെന്നും അദ്ദേഹം പറഞ്ഞു. ജില്ലയിലെ എല്ലാ സ്ക്കൂളുകളിലും കോളേജുകളിലും ഈവർഷം തന്നെ ക്രിക്കറ്റ് ക്ലബ്ബുകളും കൊല്ലം സെയിലേഴ്സിന്റെ ഫാൻസ് ക്ലബ്ബുകളും തുടങ്ങും. ഫാൻസിന് സൗജന്യമായി സ്റ്റേഡിയത്തിൽ വന്ന് കളി കാണാനുള്ള അവസരവും ഒരുക്കിയിട്ടുണ്ട്.
കൊല്ലം ജില്ലയിലെ ക്രിക്കറ്റ് രംഗത്തിന് പുത്തനുണർവുണ്ടാക്കാൻ ഏരീസ് കൊല്ലം സെയിലേഴ്സിലൂടെ സാധിക്കുമെന്നും ജില്ലാ ക്രിക്കറ്റ് അസോസിയേഷന്റെ എല്ലാ പിന്തുണയും ഉണ്ടാകുമെന്നും ജി. സജികുമാർ പറഞ്ഞു.
ഏരീസ് ഗ്രൂപ്പ് സിംബാബ്വെയിൽ നടന്ന ‘സിം ആഫ്രോ ടി -ടെൻ ക്രിക്കറ്റ് ടൂർണമെന്റിൽ പങ്കെടുത്ത പ്രമുഖ ടീമായ ‘ഹരാരെ ഹറികെയ്ൻസിന്റെ ഉടമകളായിരുന്നു.
ഇന്ത്യൻ താരങ്ങളായ എസ് ശ്രീശാന്ത്, ഇർഫാൻ പഠാൻ, റോബിൻ ഉത്തപ്പ, ഇയാൻ മോർഗൻ, ജെപി ഡുമി, മുഹമ്മദ് നബി തുടങ്ങി വിദേശ താരങ്ങളും ആ കൊല്ലം ടീമിന്റെ ഭാഗമായിരുന്നു. ഈ ടീമിന്റെ സിഇഒ കുടി ആയിരുന്നു പുനലൂർ സ്വദേശി പ്രഭിരാജ്.
കേരളത്തിലെ അറിയപ്പെടുന്ന ക്രിക്കറ്റ് ടീമായ ഏരീസ് പട്ടോടി ക്രിക്കറ്റ് ടീമിന്റെ നേതൃത്വവും വഹിക്കുന്നത് ഇദ്ദേഹമാണ്.
ചടങ്ങിൽ ഏരീസ് ഗ്രൂപ്പ് ചെയർമാനും ടീം ഉടമയുമായ സർ. സോഹൻ റോയ്, ഏരീസ് ഗ്രൂപ്പ് എംഡിയും, ടീം സിഇഒയുമായ ഡോ. എൻ. പ്രഭിരാജ്, കൊല്ലം ജില്ലാ ക്രിക്കറ്റ് അസോസിയേഷൻ സെക്രട്ടറി സജികുമാർ, മുഖ്യ പരിശീലകൻ വി എ ജഗദീഷ്, മുൻ കൊല്ലം ജില്ല ക്രിക്കറ്റ് അസോസിയേഷൻ സെക്രട്ടറിയും കേരള ക്രിക്കറ്റ് അസോസിയേഷൻ മെമ്പറുമായ ബി.ആർ. ബിജു കേരള ക്രിക്കറ്റ് അസോസിയേഷൻ മെമ്പർ ആർ അരുൺകുമാർ തുടങ്ങിയവർ പങ്കെടുത്തു.
