കല്പറ്റ: രാസവളത്തിന്‍റെ വിലവർദ്ധനവും പ്രതികൂല കാലാവസ്ഥയും മൂലം വയനാട്ടിൽ വാഴ കൃഷിക്കാർ പ്രതിസന്ധിയിലാണ്. കേരളത്തിൽ വയനാട് ഒഴികെയുള്ള മറ്റ് ജില്ലകളിൽ ഉൽപ്പാദിപ്പിക്കുന്ന നേന്ത്രക്കായക്ക് 30 രൂപയാണ് നിലവിൽ തറവില നിശ്ചയിച്ചിട്ടുള്ളത്. എന്നാൽ വയനാട്ടിൽ ഉൽപ്പാദിപ്പിക്കുന്ന നേന്ത്രക്കായക്ക് 24 രൂപയാണ് തറവില നിശ്ചയിച്ചിട്ടുള്ളത്. ഇത് വേർതിരിവാണ് . ആയതിനാൽ വയനാട്ടിൽ ഉൽപ്പാദിപ്പിക്കുന്ന നേന്ത്രക്കുലക്ക് 30 രൂപ തറവില നിശ്ചയിച്ച് സംഭരിച്ച് വാഴ കർഷകരെ ദുരിതത്തിൽ നിന്നും കരകയറ്റണമെന്ന് കേരള കർഷകസംഘം വയനാട് ജില്ലാ കമ്മിറ്റി സർക്കാരിനോട് ആവശ്യപ്പെട്ടു. സംസ്ഥാന നേതാക്കളായ മെഹബൂബ് , പി കെ സുരേഷ് എന്നിവർ പങ്കെടുത്തു . ജില്ലാ പ്രസിഡണ്ട് എ. വി. ജയൻ അധ്യക്ഷനായിരുന്നു. സെക്രട്ടറി സി ജി പ്രത്യുഷ് റിപ്പോർട്ട് അവതരിപ്പിച്ചു.
