കോഴിക്കോട്: മിര്‍ച്ചി റേഡിയോയിലെ കൊച്ചി, കോഴിക്കോട്, തിരുവനന്തപുരം എന്നിവിടങ്ങളിലെ ശ്രോതാക്കള്‍ക്കായി ‘കളറോണം’ എന്ന പേരില്‍ ഓണം പരിപാടികള്‍ക്ക് തുടക്കം കുറിക്കുന്നു. അഞ്ച് ദിവസത്തേക്ക്, പ്രശസ്ത മലയാളി ഗായകരും അഭിനേതാക്കളും ഷെഫുകളും മിര്‍ച്ചി സ്റ്റുഡിയോകളില്‍ മിര്‍ച്ചി സ്റ്റാര്‍ജെകളായി എത്തുന്നു.
ഹിഷാം അബ്ദുള്‍ വഹാബ്, ഷെഫ് പിള്ള, ഹൈബി ഈഡന്‍ എം പി, ഗോകുല്‍ സുരേഷ്, സ്‌റ്റെഫി സേവിയര്‍ എന്നിവരാണ് സ്റ്റാര്‍ജേകളായി എത്തുന്നത്. സ്റ്റാര്‍ജെകള്‍ മിര്‍ച്ചിയുടെ മോര്‍ണിംഗ് ഷോകളുടെ ആര്‍ജെമാരായി മാറും. സ്‌റ്റൈലിഷ് വസ്ത്രങ്ങളും സിനിമാ ടിക്കറ്റുകളും ഉള്‍പ്പെടെയുള്ള ഓണ്‍എയര്‍ സമ്മാനങ്ങളുമുണ്ട് ശ്രോതാക്കള്‍ക്ക്. ‘ഓണമായി’ എന്ന പേരില്‍ ഒരു ഗാനവും മിര്‍ച്ചി പുറത്തിറക്കും.
മിര്‍ച്ചിയുടെ ഓണാഘോഷത്തിന്റെ ഭാഗമാകാനും, മിര്‍ച്ചി 104ലേക്ക് ട്യൂണ്‍ ചെയ്യുക, എക്‌സ്‌ക്ലൂസീവ് അപ്‌ഡേറ്റുകള്‍ക്ക് മിര്‍ച്ചി മലയാളം ഇന്‍സ്റ്റാഗ്രാം പേജ് ഫോളൊ ചെയ്യുക. ഇന്ത്യയിലെ ഏറ്റവും വലിയ സ്വകാര്യ എഫ്എം റേഡിയോ ബ്രാന്‍ഡാണ് മിര്‍ച്ചി. മിര്‍ച്ചി ഇപ്പോള്‍ യുഎസ്എ (ഡാളസ്, ന്യൂജേഴ്‌സി & ദി ബേ ഏരിയ, കാലിഫോര്‍ണിയ), യുഎഇ, ഖത്തര്‍, ബഹ്‌റൈന്‍ എന്നിവിടങ്ങളില്‍ റേഡിയോ, ഡിജിറ്റല്‍ ബ്രാന്‍ഡായി പ്രവര്‍ത്തിക്കുന്നുണ്ട്.
