സുല്‍ത്താന്‍ ബത്തേരി: ജില്ലാ സ്‌കൂള്‍ കലോത്സവത്തിന്റെ വരവറിയിച്ച് സുല്‍ത്താന്‍ ബത്തേരി നഗരത്തില്‍ നടത്തിയ വിളംബരറാലി കലോത്സവ സംഘാടക മികവും ജനപങ്കാളിത്തവും കൊണ്ട് ശ്രദ്ധേയമായി.
സര്‍വ്വജന സ്‌കൂള്‍, സെന്റ് ജോസഫ് സ്‌കൂള്‍, ഡയറ്റ് ബത്തേരി, അസംപ്ഷന്‍ സ്‌കൂള്‍, മാര്‍ബസേലിയോസ് കോളേജ് എന്നീ വിദ്യാഭ്യാസ സ്ഥാപനങ്ങളിലെ വിദ്യാര്‍ത്ഥികളും അധ്യാപകരും അണിനിരന്ന റാലിയില്‍ ജനപ്രതിനിധികള്‍, സംഘാടകസമിതി അംഗങ്ങള്‍, സുല്‍ത്താന്‍ബത്തേരി വികസനം വാട്‌സ് ആപ്പ് കൂട്ടായ്മയിലെ അംഗങ്ങള്‍, കുടുംബശ്രീ പ്രവര്‍ത്തകര്‍, നാട്ടുകാര്‍ എന്നിവരും അണിനിരന്നതോടെ ഉത്സവ പ്രതീതിയിലായിരുന്നു സുല്‍ത്താന്‍ ബത്തേരി നഗരം.
സുല്‍ത്താന്‍ ബത്തേരി സര്‍വജന വൊക്കേഷണല്‍ ഹയര്‍സെക്കന്‍ഡറി സ്‌കൂളില്‍ നവംബര്‍ 27 മുതല്‍ 30 വരെയാണ് വയനാട് റവന്യൂ ജില്ല സ്‌കൂള്‍ കലോത്സവം.
